མགྲོན་ཁང་དང་ཟ་ཁང་བོགས་གཏོང་གསལ་བསྒྲགས།
འདི་ག་ནང་སྲིད་ལས་ཁུངས་ཀྱི་ཐད་ཀའི་འཛིན་སྐྱོང་འོག་སྦེལ་ཀོབ་སྐྱེ་ལྡན་སོ་ནམ་ཉམས་ཞིབ་དང་སྦྱོང་བརྡར་ཁང་དུ་གསར་རྒྱག་ཞུས་པའི་མགྲོན་ཁང་དང་ཟ་ཁང་གཉིས་སྨན་ཆེད་རང་རིགས་སྤྱི་སྒེར་ཁག་ལ་གཉིས་མོས་ཆོད་གན་གྱི་ལམ་ནས་བོགས་གཏོང་ཞུ་རྒྱུ་ཡིན་ན་མཐུན་རྐྱེན་དང་དགོས་ངེས་ཆ་རྐྱེན་ཁག་ནི་གཤམ་གསལ།
ཀ། མགྲོན་ཁང་།
– མགྲོན་ཁང་ཆགས་ཡུལ། ནི་གདན་ས་ཆེན་པོ་སེ་ར་ཆོས་སྒར་གྱི་ཉེ་འཁྲིས་སུ་གནས་པའི་སྦེལ་ཀོབ་སྐྱེ་ལྡན་སོ་ནམ་ཉམས་ཞིབ་དང་སྦྱོང་བརྡར་ཁང་དུ་ཆགས་ཡོད་ཅིང་། མགྲོན་ཁང་གི་བཟོ་བཀོད་ནི་དེང་དུས་ཀྱི་སྒྱུ་རྩལ་རང་བཞིན་ལྡན་ཡོད་ལ། རྒྱུ་ཆའི་ཐད་ཚད་མཐོའི་སྤུས་ཚད་ལྡན་པའི་རྒྱུ་ཆ་བཀོལ་སྤྱོད་བྱས་ཡོད།
– མགྲོན་ཁང་ནང་ཁང་མིག་ ༡༩ ཡོད་ཅིང་མགྲོན་ཁང་གི་དཀྱིལ་དབུས་སྒོ་རའི་མཐའ་སྐོར་ནང་ཉི་འོད་ཁྲ་ལྷམ་མེར་ཤར་ཏེ་ཉི་མའི་བཀྲག་མདངས་འཕྲོ་བཞིན་ཡོད།- མགྲོན་ཁང་གི་ཁང་མིག་བསྡོམས་ ༡༩ ཡོད་པ་ཞིབ་གནས་གཤམ་གསལ།
| Category | Room | Qty | Facilities | Carpet area |
|---|---|---|---|---|
| A | Suit Room | 2 | 1. Bedroom with king size bed. 2. Living room with kitchenette 3. AC 4. LCD 5. Study table with chair 6. Luggage rack 7. Wardrobe 8. Dressing table 9. Balcony with outdoor sitting table chair 10. All room have attached toilet with western W.C., wash basin & shower area |
370 sq.ft. |
| B | Standard room | 17 | 1. Bedroom with double bed size 2. LCD 3. Study table with chair 4. Luggage rack 5. Wardrobe 6. Dressing table 7. Balcony with outdoor sitting table chair 8. All room have attached toilet with western W.C., wash basin & shower area |
225 sq.ft. |
ཁ། ཟ་ཁང་།
ཟ་ཁང་ནང་དུ་སྐུ་མགྲོན་གྲངས་ ༢༤ དང་ཟ་ཁང་གི་སྒོ་རྭའི་བར་འཁྱམས་སུ་སྐུ་མགྲོན་ ༢༠ ཡི་ཤོང་ཚད་ཡོད་ཅིང་། ཐབ་ཚང་ནང་དེང་དུས་ཀྱི་བཟོ་བཀོད་དང་མཐུན་རྐྱེན་རང་སྒྲིག་ཡོད།
ཟུར་བརྗོད། མགྲོན་ཁང་གི་ཕྱི་ངོས་སུ་ཚད་ལྡན་གྱི་ཆེད་ལས་པའི་བཀོད་རིས་ལྟར་མོ་ཊ་དང་མིའི་འགྲོ་ལམ་ཚད་ལྡན་ཡོད་ཐོག སྤང་དང་མེ་ཏོག རྩེ་ཤིང། དེ་བཞིན་ཆར་ཆུ་གསོག་་ཆེད་ཀྱི་ཆུ་རྫིང་དང་། ལུས་སྦྱོང་དང་ངལ་གསོ་རྒྱག་ས་སོགས་ཡིད་དུ་འོང་བའི་ཕྱིའི་ཡུལ་ལྗོངས་ཀྱི་བཀོད་པ་བསྐྲུན་ཡོད།
ག། དགོས་ངེས་ཀྱི་ཆ་རྐྱེན་ཁག
༡། དང་བླང་དཔྱ་དངུལ་དུས་འབུལ་ཟིན་པས་ལག་དེབ་ཀྱི་ངོ་བཤུས།
༢། རྒྱ་གར་དུ་གནས་སྡོད་ཆོག་པའི་སྐྱབས་བཅོས་ལག་དེབ་དུས་འགྱངས་ཞུས་ཟིན་པའི་ངོ་བཤུས།
༣། བོགས་གཏོང་རྒྱན་ཁོངས་ནང་ཁྱིམ་ཚང་གཅིག་ནས་ནང་མི་གཅིག་མ་གཏོགས་འཛུལ་ཞུགས་མི་ཆོག
༤། བོགས་གཏོང་རྒྱན་ཐོབ་མཁན་ནས་ཉིན་དེ་རང་དུ་ལོ་གཅིག་གི་བོགས་གླའི་འབབ་གཏའ་འཇོག་བྱ་དགོས།
༥། བོགས་མའི་དུས་ཡུན་རིང་ནང་ཤུགས་དང་བར་གླ་གཏོང་རིགས་གཏན་ནས་མི་ཆོག
༦། ཞིབ་ཕྲའི་ཆ་རྐྱེན་གཞན་རྣམས་གཉིས་མོས་གན་ཡིག་གཞིར་བཟུང་རྩ་འཛིན་ལག་བསྟར་བྱ་རྒྱུ།
༧། བོགས་དངུལ་རྣམས་དངུལ་ཁང་གི་དངུལ་འཛིན་སྟེང་འབུལ་དགོས།
མགྲོན་ཁང་དང་ཟ་ཁང་གསར་རྒྱག་དང་གཡས་གཡོན་མཛེས་བཟོའི་ལས་གཞི་ཆ་ཚང་ཕྱི་ལོ་ ༢༠༢༠ ཟླ་ ༢ ནང་མཇུག་བསྒྲིལ་གྱིས་དབུ་འབྱེད་མཛད་སྒོ་བསྒྲུབས་མ་ཐག་བོགས་གཏོང་ཞུ་རྒྱུ་ལགས་ན། རིན་བསྡུར་ཚོང་བསྒྱུར་(Auction) གྱི་ཐོག་མའི་གོང་ཚད་ནི་མགྲོན་ཁང་དང་ཟ་ཁང་གཉིས་ཀར་ཟླ་རེར་སྒོར་འབུམ་ ༢་༧༠ ནས་འགོ་འཛུགས་ཞུ་རྒྱུ་དང་། དེ་ཡང་ལོ་ལྔ་བར་ཟླ་རེའི་བོགས་གླ་རང་འཇགས་གནས་རྒྱུ། བོགས་ལེན་ཞུ་བློ་ཡོད་རིགས་ནས་དོ་བདག་རང་ཉིད་ཀྱི་ཞུ་སྙན་ནང་བོགས་རིན་འབུལ་འབབ་གསལ་འཁོད་ཐོག་འབྲེལ་གཏུག་བྱ་ཡུལ་གྱི་ཁ་བྱང་ཁ་གསལ་ཞིག་གཤམ་འཁོད་ཁ་བྱང་ཐོག་ཕྱི་ལོ་ ༢༠༢༠ ཟླ་ ༢ ཚེས་ ༢༩ འགྱངས་མེད་ཕུལ་འབྱོར་ཐུབ་པ་དགོས་རྒྱུའི་ཡོངས་ཁྱབ་གསལ་བསྒྲགས་སུ། བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་ནས་ཕྱི་ལོ་ ༢༠༢༠ ཟླ་ ༡ ཚེས་ ༡༧ ལ།།
འབྲེལ་གཏུགས་ཁ་བྱང་།
Executive Secretary,
Department of Home – CTA
Gangchen Kyishong
Dharamshala – 176215
Distt. Kangra
Himachal Pradesh – India
Email: [email protected] /[email protected]
Phone: 01892-222412/222214
